શ્રાવણ માસ પૂર્વે લીમડી ગામમાં હિન્દુ સમાજની લેખિત રજૂઆત, માંસાહારી વસ્તુઓની દુકાનો બંધ રાખવા માંગ

લીમડી | તા. 11 ઓગસ્ટ 2026 આવનાર પવિત્ર શ્રાવણ માસને ધ્યાનમાં રાખીને લીમડી ગામના હિન્દુ સમાજ દ્વારા ગ્રામ પંચાયત અને વહીવટી તંત્ર સમક્ષ વિવિધ મુદ્દાઓને લઈને લેખિત રજૂઆત કરવામાં આવી છે. હિન્દુ સમાજ દ્વારા કરવામાં આવેલી રજૂઆતમાં લીમડી ગામના જાહેર સ્થળોએ ચાલતી ગેરકાયદેસર દુકાનો અંગે કાર્યવાહી કરવા માંગ કરવામાં આવી છે. તેમજ શ્રાવણ માસ દરમિયાન ગામમાં નોનવેજ, ઈંડા સહિતની અન્ય માંસાહારી વસ્તુઓનું વેચાણ કરતી લારીઓ તથા દુકાનો બંધ રાખવા અંગે પણ તંત્રનું ધ્યાન દોરવામાં આવ્યું છે. આ ઉપરાંત લીમડી ગામની અન્ય વિવિધ સ્થાનિક સમસ્યાઓના નિકાલ માટે પણ ગ્રામ પંચાયતના તલાટીશ્રી તથા મામલતદારશ્રીને લેખિત રજૂઆત કરી યોગ્ય કાર્યવાહી કરવાની માંગ કરવામાં આવી છે.

શ્રાવણ માસ દરમિયાન ધાર્મિક લાગણી અને જાહેર વ્યવસ્થાને ધ્યાનમાં રાખીને રજૂઆતમાં દર્શાવાયેલા મુદ્દાઓ અંગે તંત્ર દ્વારા કયા પગલાં લેવામાં આવે છે તે હવે જોવાનું રહ્યું. હવે નજર તંત્રની કાર્યવાહી પર: લીમડી ગામના હિન્દુ સમાજની રજૂઆત બાદ ગ્રામ પંચાયત અને વહીવટી તંત્ર દ્વારા આ મુદ્દે શું નિર્ણય લેવામાં આવે છે તેના પર સૌની નજર છે.